其實市面上有好多地方都有得買隔音墊, 不過到底可以喺邊到買？點解需要？隔音墊又要具備啲咩條件呢？

首先, 透氣速乾。如果塊墊嘅物料係以密封式設計, 而唔係疏窿的話, 有機會阻礙到散熱效能。

第二，防菌除霉。所運用嘅物料需要防止細菌滋生，否則長期累積嘅雨水同樓上冷氣機滴嘅水會令到機殼發霉，產生異味。

第三，防火。好多街坊都會係窗邊食煙，好多時啲煙灰煙頭就跌左落樓下人哋部冷氣機機身度，好易引發火警。

所以都建議大家買返張隔音墊，如果唔係師傅嘅話就盡量去返出售此類科技產品嘅專門店度買啦~

係呢度要提提大家，如果想避免樓上滴水或者雨水打落機身時產生嘅噪音困擾，其實最好就未雨綢繆，喺裝或換冷氣嗰時就要叫師傅幫你加埋落去。但如果係後期先裝可以點做呢？有兩個情況：

① 窗口機旁邊有另一個窗口位係可以打開。如果本身自己有過安裝或裝修經驗，可以嘗試自行安裝。不過切記要小心，唔好成個人重心放左去外面，到時發生意外就唔好啦～

② 窗口機兩邊嘅窗口位係封死咗開唔到嘅，但底下個窗口位係可以打開嘅。呢個情況就需要請合資格嘅師傅上嚟，綁返條穩陣堅固嘅安全繩喺窗口爬出去裝啦。

雖然加塊隔音墊係可以解決到滴水落窗口機引嚟嘅噪音問題，但我哋始終都唔應該由得啲滴滴仔搞着我哋架嘛！所以大家記得保障番自己，等食環署幫你處理冷氣機滴水引致嘅環境衞生滋擾問題啦～

根據《公眾衞生及市政條例》，任由冷氣機滴水對別人做成滋擾係屬於違法，最高可被罰款$10,000，另加每日罰款$200。如果睇緊嘅你真係被樓上個滴水問題搞到好困擾，就要致電食環署24小時熱線: 2868 0000 解決返啦~

*如果你想單投訴更快被處理，亦都可以試下致電番指定區域嘅辦事處。

各區辦事處熱線: https://www.fehd.gov.hk/tc_chi/pleasant_environment/library/aircon/4.html

圖片來源：網上圖片 / Facebook : 冷氣機隔音墊