① 窗口機

 

呢款機種相信係日常生話中最唔難見到嘅，無論係屋苑定工廈，你都可以好容易觀察到一個個正正方方嘅窗口機外露喺大廈外牆。窗口機簡單尼講就係佢一部野已經濃縮咗成個製冷過程所須要嘅所有零件啦，包括：壓縮機、散熱器同蒸發器等。由於窗口機最細嘅匹數可以去到3/4匹，所以非常適合裝喺啲單位較細或套房去使用架～

 

② 掛牆式分體機

<圖片來源: One Hour Air Conditioning & Heating 官方網頁>

 

呢款掛牆式冷氣機係普遍住宅單位嚟講亦都好常見。話明分體機，意思即係有室外機同室內機之分啦，咁呢兩part分別擔任緊咩角色呢？室外機重點在於壓縮機同散熱風扇，而室內機就負責運行蒸發器同出風，中途就有條喉連接住呢兩舊裝置。由於壓縮機同散熱運行時會發出噪音，所以作為室外機放係出面就可以令室內有個寧靜、舒適嘅空間。

 

<圖片來源: Panasonic 官方網頁>

 

近年，有唔少冷氣品牌都推出「纖巧型室外機」滿足一些冷氣機位有限制的用家。「纖巧型室外機」嘅意思就喺個機身高度比一般傳統散熱矮身。不過買機同安裝前要留意，記得度下自己單位個石屎台 / 冷氣機位有幾高同埋有幾闊，夠唔夠位放部散熱出去。【~撳我睇相關文章~】講到尾大家都唔好比個名呃咗，因為 纖巧型 ≠ 適用於所有冷氣機位架！

 

③ 窗口式分體機

<圖片來源: DesignIDK>

發現大多用家都唔了解掛牆分體與窗口式分體有咩分別。窗口式分體機其實就可以話係①窗口機 同 ②掛牆式分體機嘅結合。簡單尼講，部室外機就會好似窗口機一樣正正方方咁，而室內機就直頭同掛牆式分體機一樣掛係室內牆上面。呢款機種最適合屋企有石屎台限制但又想追求分體機寧靜嘅用家 。

想知以上3款機種嘅安裝有咩分別，可以去冷氣GUY嘅【自助安裝估價】了解下!