之前日本有個綜藝節目係訪問日本人對香港嘅印象，你知唔知最多日本人答咩呀…係『潮濕』呀！不過都正常嘅，香港潮濕不嬲都係個事實尼，小編都好怕潮濕嘅天氣…正正因為咁，好多香港人都會買抽濕機抽走屋企啲濕氣。但有啲精打細算用家就會問：「咦？冷氣機個抽濕功能唔可以當抽濕機咁用咩？」問得好呀！今日就係想解答番，到底冷氣機嘅抽濕功能足唔足以代替一部抽濕機呢？
【我好老實咁同大家講，係唔可以嘅。】
點解唔建議用冷氣抽濕功能取替抽濕機？
① 電費好明顯會貴咗
因為冷氣機嘅抽濕功能本身就唔及一部抽濕機咁強，所以好多用家為咗想要個明顯啲抽濕效果，就會一野將部冷氣個溫度調低，令到個抽濕效能好似勁咗好多咁。但咁做法除咗電費高咗好多之外，未有明顯嘅抽濕效果之前已經差唔多凍病自己…
② 冷氣機嘅抽濕功能只適用於體感上的改變
千其唔好認為冷氣機個抽濕可以幫你抽走物件內藏嘅濕度，例加：衫。曾經有個同事長期都有陣「噏」味，我問佢平時啲衫有無做抽濕，佢話：「緊係有，冷氣機搞掂啦！」事實證明比我知，係搞唔掂。抽濕功能可以帶比你體感上嘅享受，所以建議唔好當佢抽濕機咁用啦～
③ 抽濕範圍唔由你決定
普遍家庭一係就裝掛牆式分體機，一係就窗口機，甚少人會選擇移動式冷氣。但無論係分體機定窗口機，佢始終都係固定係牆上面，個靈活性根本唔可以同抽濕機比。由於抽濕機底部都會附設碌，自然你想推去邊個位置都輕而易舉。
所以話呢，我都建議番大家，如果你屋企本身個地區特別潮濕或者好討厭潮濕嘅溫感的話，依啲錢無得慳。其實有好多冷氣牌子都有出抽濕機架，大家都可以上網比較下啲評價～
