有二個主要原因令到你部機有『製冰功能』：

① 唔夠雪種 或 雪種太多

無論部冷氣用咗好耐定啱啱裝咗無耐，有時都會聽到用家話唔夠凍、要call維修加雪種之類嘅說話。首先唔夠雪種，係因為出現雪種滲漏問題。當雪種減少，機體內部嘅蒸發壓力過低，令蒸發器面頭部份結冰。

通常唔夠雪種，有部份用家就會請師傅加雪種。但因為有時加得太滿，雪種超出可容納範圍，壓縮量會增加，而過多嘅蒸發會令到機體內部空氣溫度急速下降。通常結冰位置就係蒸發器嘅背部或壓縮機管道位置結冰。

② 冷氣機內部實在係太耐無洗 太污糟

香港一向出咗名人多擠迫，出面沙塵滾滾就在所難免，基本上空氣中嘅沙塵係好容易吹入屋企。平時屋企啲傢俬唔郁佢、唔清潔，無抹兩三日都已經鋪哂塵…更何況係成日開冷氣嘅夏天！正正開冷氣整個運作過程每分每秒都會接觸到室內外嘅空氣。愈嚟愈多空氣中嘅塵埃積聚喺隔塵網、蒸發器，所以唔能夠有效咁吸入室內熱能。當內部嘅空氣唔夠流通，雪種自然會因為機內整體溫度過低而結冰。

唔夠雪種、雪種銅喉破損而漏雪種、過多雪種、冷氣太污糟等搞出嚟嘅結霜問題，係絕對可以解決架！首先，最基本嘅步驟絕對係熄咗部機先，等啲冰慢慢融，就可以拆個隔塵網出嚟用軟毛刷頭清洗。最好當然係拆埋個蒸發器落嚟洗，除非你自己有相關經驗，如果唔係都建議請合資格師傅做返個專業嘅洗機服務啦～當然，出現「冷氣機製冰」都可能存有其他因素，小編建議大家都係搵返專業嘅冷氣維修師傅上嚟睇睇會穩陣啲。

細細聲話你知呀，我哋冷氣GUY可以為你配對有經驗嘅冷氣師傅，上門提供洗機服務架~

【→ 撳我撳我 ←】

入面將服務流程同預約方法都講得好清楚，所以冷氣有結霜問題嘅你仲唔快快脆搞掂佢？！