「三菱重工」係「三菱集團」嘅旗艦企業之一，業務範圍非常廣泛，係日本最大嘅國防工業承包商同綜合機械製造商。其後業務範圍更廣泛至研發汽車、飛機、火箭、坦克和公共汽車。「三菱重工」係於1953年研發出世界上第一部分離式嘅冷氣機，亦都係「三菱重工」至今唯一一部民用嘅產品。簡單嚟講「三菱重工」佢本身主要係做一啲重型機械機器設備嘅生產製造，佢地利用咗製造飛機嘅壓縮技術去研發冷氣機。除此之外, 「三菱重工」嘅KXZ系列亦係市場上比較少見嘅中央冷氣系列, 好大機會你番工嘅office都用緊, 所以「三菱重工」主要業務範疇就偏向大型基建方面啦～

而「三菱電機」就係由「三菱造船」分離出黎, 「三菱電機」係日本第三大綜合電機生產商, 亦都係全球五大光電產品嘅製造商之一。就咁聽落好似同冷氣無咩直接嘅關係, 但其實好多時你接觸到叫「三菱」家電大部分都係由「三菱電機」, 雖然佢無「三菱重工」有咁大型嘅重工製造, 但「三菱電機」就主要囊括咗電子機械和家用電器領域, 而「三菱電機」嘅第一款暢銷商品就係家用電風扇, 所以「三菱電機」有多年製造家電嘅經驗, 話唔埋你屋企梗有一兩件「三菱電機」嘅產品。（小編屋企都有兩三樣～）

至於Logo上又點區分呢？因為「三菱」悠久嘅歷史發展, 而繼續源用落去。我哋可以靠佢地Logo下面個英文名去區分:  「三菱重工」係Mitsubishi Heavy Industries , 而「三菱電機」就係Mitsubishi Electric。總而言之, 佢哋係20世紀初已經分咗家, 係兩間獨立經營嘅公司, 甚至可以叫做競爭對手，就好似「大X樂」同「大X活」嘅關係咁囉。所以無話邊個特別擅長造冷氣機, 兩者都係用咗自家擅長嘅生產技術去研發冷氣機。

大家喺揀冷氣機嗰陣, 主要都係諗返自己屋企個安裝條件就可以架啦～