例如上年小編收到唔少剛入伙尚文苑嘅住戶查詢有關冷氣安裝的問題,由於屋苑單位的結構設計都只有一個石屎窗台位,限制咗冷氣機的數量,所以都有不少住戶都會考慮選擇安裝家用多聯式分體機,簡單來說就係一個室外機 (散熱) 拖幾部室內機。小編亦親自到現場視察,亦有唔少尚文苑的住戶配搭唔同機種並安裝喺同一個窗台位上。
不過,如用家單位都有以上限制,在選購同安裝前要留意以下幾點:
每個屋苑的樓宇設計都唔同,用家可到屋苑的房屋辨事處查詢有關冷氣機台承托力的問題以及該屋苑安裝的規定,「買」、「裝」前要問清楚,減少不必要的麻煩。
一般掛牆分體機都要有一定的安裝空間,特別是室外機 (又稱散熱)。如果散熱器沒有足夠空間散熱,冷氣機的壽命有可能受到影響。就以下圖為例,掛牆分體機的散熱器與窗口機放喺同一台上,表面看來散熱器的散熱風扇位好似無被窗口機遮擋,但實際上分體機的散熱風扇與窗口機可能會被互相所排出的熱氣影響,降低製冷功能或增加維修機率。所以「機」與「機」之間最好保持適當距離,跟足各冷氣品牌的安裝規格去安裝。
一般用家在購買掛牆分體的時候,都未必會留意室外機的安裝組件設計。但其實唔同品牌室外機的接駁雪種喉位置都未必一樣,如果諗住一「台」多「機」安裝的用家,就要注意。點解呢? 一齊睇睇以下兩張圖就會明解:
以下圖為例,紅圈位置為一般維修位置,入面內含接駁電線位及電子版,而藍圈為接駁雪種喉位置。
再睇睇以下小編到現場目測的安裝圖,該單位所安裝的室外機 (藍箭咀所示) 維修位置同接駁雪種喉位置都放咗係向外位置,加上一「台」多「機」,假設日後如需維修就非常麻煩。試諗諗,如果日後冷氣品牌廠商在保用期內上黎幫你檢查冷氣機,咁有可能因為以上的限制而需額外收費,增加咗維修成本......當然,你又可能會問點解唔將個室外機轉個方向擺? 答案小編已經係第2點提過,就係室外機散熱風扇位置需要有足夠散熱空間。老實講,以下面張圖為例.....其實咁安裝,真係唔得掂呀......
<以上段落取自: 大金官方網頁>
<以上段落取自: 樂聲官方網頁>
<以上段落取自: 阿奇立克日立官方網頁>
圖片來源:自攝 / 品牌商官方網頁 / Facebook群組:「香港冷氣佬」