【變頻窗口機比拼】: 變頻唔係隻隻一級能源標籤！邊款性價比最高、最慳電？！

2022年08月20日

變頻式窗口機絕對係今年冷氣界最熱門嘅話題之一！以前如果想慳電或寧靜啲，通常都會揀變頻式掛牆分體機。因為上年為止，都係得一兩隻牌子有做變頻式窗口機。但喺今年！所有大眾品牌為咗迎合市場需要，都紛紛推出變頻式窗口機～但係小編發現，原來最貴又唔一定做到一級能源標籤，反而較為平價品牌可以做到！所以我哋試綜合咗坊間所有現正發售嘅變頻式窗口機型號，比大家參考一下～

9款變頻式窗口機(淨冷型) 之綜合表 **排名不分先後

<資料來源：品牌官方網頁>

小編綜合咗幾個重點同大家分享：

① 同一型號下未必所有匹數都係「1」級能源標籤

因為有時客人係衝住個一級能源標籤而去選購，無留意的話，你揀嘅匹數真係有機會唔係「1」級㗎！基本上，現時市面上有售嘅變頻式窗口機(淨冷型)，3/4匹至2匹都達到一級能源標籤嘅型號只有——珍寶/AKWB系列及格力/GWF-DB系列。

② 有R32及R410A雪種可供選擇

簡單講，兩隻都係環保雪種，R32屬新興雪種，標明：高制冷量、高效能、較目前普遍使用嘅R410A更環保。(R32雪種嘅全球變暖潛能值﹙GWP﹚只有R410A嘅約三分之一。) 但同時R32帶有輕度易燃性，所以喺安裝、檢查或維修方面最好搵返有經驗嘅技術人員進行。有唔少品牌都採用咗新R32雪種，大家記得留意對應嘅型號啦～

③ 咁所以邊一款性價比最高？！

依各品牌所提供嘅資料同售價去分析的話，暫時格力/GWF-DB系列會係性價比最高嘅型號。論價錢，屬於中價位；論能源標籤，所有匹數都達至一級能源標籤；論雪種，採用R32環保雪種；論性能，增設UV紫外綫空氣淨化裝置。

不過講到變頻式窗口機嘅性能同特點，每個品牌都好有誠意，都有配備過濾空氣中細菌嘅技術。睇尼呢幾年疫情，促使咗各品牌提高冷氣機嘅功能性。所以就算係買窗口機都唔可以鬆懈！