如果係依一兩年有買過電器嘅你，應該對四電一腦標籤有一定程度嘅認識…唔認識？咁麻煩請移玉步睇番之前講四電一腦標籤嘅Blog先thanks～【~撳我睇相關文章~】因為我今日要講嘅係『歐綠保』！佢地就係負責幫市民回收四電一腦標籤電器嘅舊電器資源回收公司啦。雖然呢個服務已經開始咗2年有多，但有好多市民似乎都唔太清楚有咩用同點去用，所以小編就想同大家解䆁番成個流程啦～
係『歐綠保』 唔係歐陸寶
跟據《產品環保責任條例》，只要係屬於四電一腦標籤下管制嘅電器，零售商都有責任幫你安排免費上門回收舊冷氣。而暫時香港做緊呢個服務嘅代表就係『歐綠保』啦～小編係呢兩年間聽講過出面有部份持電器廢物處置牌照嘅中小型公司都唔會免費上門，一係就收好貴，一係就要起碼5件舊電器先肯收…其實都唔難理解，始終小本生意尼講運輸費都係一筆唔細嘅成本。所以大家買完電器都不妨揀歐綠保幫你搞掂佢啦！
『歐綠保』服務小Tips
① 只須要打2676 8888
佢地除咗會回收廢電器尼循環再造之外，都會接受電器捐贈。都係同一個電話，成個通話客人只須要提供：機種 > 數量 > 聯絡人姓、電話 > 回收地址 > 時間，就可以啦。如果唔方便通話，都可以電郵至 collection@weee.com.hk 安排回收服務。
② 無標籤都可以免費上門回收
其實就算無四電一腦標籤，都唔代表你屋企部舊冷氣係唔包上門回收架！標籤嘅用途唔係唯一免費上門回收嘅門票，而係商家提醒同承諾客人願意幫佢地回收舊機。所以計劃未實施前嘅舊電器，都可以自己打上去預約上門回收。
③ 提早安排回收日期
有部份市民反映裝咗部新冷氣機後，咁舊果部預約歐綠保就要3至5個工作天後先尼回收，放喺屋企太佔空間，寧願比多少茶水錢師傅去掉走部舊機都唔想等歐綠保回收。由於歐綠保回收服務唔包括幫你拆舊機，所以記得同安裝師傅夾好安裝時間，拆左舊機再預約歐綠保回收。提提大家，以小編經驗，如果由零售商幫你預約，最快3至5個工作天就可以上門回收。但如果一般市民自己預約就最好預早一個星期啦～
換新冷氣，部舊機唔知點處理？「2676 8888」CALL佢呀！
